ಇಸ್ರೋ-ನಾಸಾ ಜಂಟಿ ಗಗನ ಯಾತ್ರೆಗೆ ಭಾರತೀಯ ಶುಭಾಂಶು ಶುಕ್ಲಾ ಪೈಲಟ್
ನವದೆಹಲಿ : ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ಪ್ರಯಾಣಿಸಲಿರುವ ಇಸ್ರೋ-ನಾಸಾ ಜಂಟಿ ಗಗನ ಯಾತ್ರೆಗೆ ಮೊದಲ ಬಾರಿಗೆ ಭಾರತೀಯ ವ್ಯಕ್ತಿಯೊಬ್ಬರು ಆಯ್ಕೆಯಾಗಿದ್ದಾರೆ. ಅಮೆರಿಕದ ಅತ್ಯಂತ ಅನುಭವಿ ಗಗನಯಾತ್ರಿ, 64 ವರ್ಷದ ಡಾ ಪೆಗ್ಗಿ ಆನೆಟ್ ವಿಟ್ಸನ್ ನೇತತ್ವದ ತಂಡವನ್ನು ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ಕರೆದೊಯ್ಯುವ ಬಾಹ್ಯಾಕಾಶ ನೌಕೆಯನ್ನು ಭಾರತೀಯ ಶುಭಾಂಶು ಶುಕ್ಲಾ ಪೈಲಟ್ ಮಾಡಲಿದ್ದಾರೆ ಎಂದು ತಿಳಿದುಬಂದಿದೆ.
ಗ್ರೂಪ್ ಕ್ಯಾಪ್ಟನ್ ಶುಕ್ಲಾ ಅವರ ಬ್ಯಾಕ್ಅಪ್ ಆಗಿರುವ ಗ್ರೂಪ್ ಕ್ಯಾಪ್ಟನ್ ಪ್ರಶಾಂತ್ ಬಾಲಕಷ್ಣನ್ ನಾಯರ್ ಕೂಡ ಅದೇ ತರಬೇತಿಯನ್ನು ಪಡೆಯುತ್ತಿದ್ದಾರೆ ಇದನ್ನು ಆಕ್ಸಿಯಮ್ ಸ್ಪೇಸ್ ನಡೆಸುತ್ತಿದೆ.
ಇಸ್ರೋ-ನಾಸಾ ಜಂಟಿ ಗಗನಯಾತ್ರಿ ಮಿಷನ್ ಮುಂದಿನ ವರ್ಷ ಏಪ್ರಿಲ್ ಮತ್ತು ಜೂನ್ ನಡುವೆ ಉಡಾವಣೆಯಾಗುವ ನಿರೀಕ್ಷೆಯಿದೆ. ಭಾರತೀಯನೊಬ್ಬನ ಎರಡನೇ ಬಾಹ್ಯಾಕಾಶವನ್ನು ಈಗ ಜನಪ್ರಿಯವಾಗಿ ಮಿಷನ್ ಆಕಾಶ್ ಗಂಗಾ ಎಂದು ಕರೆಯಲಾಗುತ್ತದೆ.
