Hair Fall, Dandruff ಎಲ್ಲದಕ್ಕೂ ಪುಲ್ಸ್ಟಾಪ್ ಇಡ್ಬೇಕಾ? ಹಾಗಿದ್ರೆ ಬಳಸಿ ಈ ಸಿಂಪಲ್ ಮನೆ ಮದ್ದು
ಮಹಿಳೆಯರು ತ್ವಚೆಗಿಂತ ಒಂದು ಪಟ್ಟು ಕೂದಲಿನ ಬಗ್ಗೆಯೇ ಹೆಚ್ಚು ಕಾಳಜಿ ಮಾಡುತ್ತಾರೆ. ನೀಳ, ದಟ್ಟ, ಕಪ್ಪು ಕೂದಲಿಗಾಗಿ ಎಲ್ಲರ ಹಂಬಲ. ಕೆಲವರಿಗೆ ಆನುವಂಶೀಯವಾಗಿ ಈ ರೀತಿಯ ಸಮೃದ್ಧ ಕೂದಲು ಇರುತ್ತದೆ, ಆದರೆ ಸುಮಾರಷ್ಟು ಜನ ಕೂದಲಿನ ಗಂಭೀರ ಸಮಸ್ಯೆಗಳನ್ನು (Problem) ಎದುರಿಸುತ್ತಿದ್ದಾರೆ. ಹೀಗೆ ಹೇರ್ಫಾಲ್, ಹೊಟ್ಟುವಿನಂತಹ ಸಮಸ್ಯೆ ಅನುಭವಿಸುತ್ತಿರುವವರು ಹೇಗಾದರೂ ಆರೈಕೆ ಮಾಡಿ ಕೂದಲನ್ನು (Hair) ಉದುವುದರಿಂದ, ಹೊಟ್ಟಾಗುವುದರಿಂದ (Dandruf) ರಕ್ಷಣೆ ಮಾಡಿಕೊಳ್ಳಬೇಕು ಎಂಬ ಆಸೆ ಹೊಂದಿರುತ್ತಾರೆ. ಅದಕ್ಕೆ ಅಂತಾನೇ ನಾನಾ ಬಗೆಯ ಮನೆ ಮದ್ದುಗಳು, ಚಿಕಿತ್ಸೆಗಳು ಅಂತಾ ಮಾಡಿಕೊಳ್ಳುತ್ತಾರೆ.
ಮನೆ ಮದ್ದು ಅಂತಾ ಬಂದರೆ ಕೂದಲಿಗೆ ಸುಮಾರು ಚಿಕಿತ್ಸೆಗಳಿವೆ. ಅದರಲ್ಲಿ ಈಗ ಸಖತ್ ಸುದ್ದಿ ಮಾಡುತ್ತಿರುವುದು ರೈಸ್ ವಾಟರ್.
ಕೂದಲಿಗೆ ಅಕ್ಕಿ ನೀರಿನ ಪ್ರಯೋಜನಗಳು
ಅಕ್ಕಿ ಕಾರ್ಬೋಹೈಡ್ರೇಟ್ಗಳಿಂದ ತುಂಬಿರುವ ಕಾರಣ ದೇಹದ ತೂಕ ಹೆಚ್ಚಾಗುತ್ತದೆ ಎಂಬುದಕ್ಕೆ ಹವರು ಅನ್ನವನ್ನು ತಮ್ಮ ಊಟದಿಂದ ದೂರು ಇಡುತ್ತಾರೆ. ಆದರೆ ಈ ಕಾರ್ಬೋಹೈಡ್ರೇಟ್ಗಳು ನಮ್ಮ ಕೂದಲಿನ ದೊಡ್ಡ ಆಸ್ತಿಯಾಗಿವೆ.
• ಇದು ಕಾರ್ಬೋಹೈಡ್ರೇಟ್ ಆಗಿರುವ ಇನೋಸಿಟಾಲ್ ಅನ್ನು ಹೊಂದಿದ್ದು, ಹಾನಿಗೊಳಗಾದ ಕೂದಲನ್ನು ಸರಿಪಡಿಸಲು ಸಹಾಯ ಮಾಡುತ್ತದೆ ಮತ್ತು ನಂತರ ಕೂದಲಿನ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ.
• ಇದು ಕೂದಲಿನ pH ಮಟ್ಟಕ್ಕೆ ಸಮೀಪವಿರುವ pH ಮಟ್ಟವನ್ನು ಹೊಂದಿದೆ. ರೈಸ್ನ ಈ ಗುಣ ಕೂದಲು ಒಡೆಯುವಿಕೆಯನ್ನು ತಪ್ಪಿಸುತ್ತದೆ.
• ಅಕ್ಕಿ ನೀರು ವಿಟಮಿನ್ ಬಿ ಮತ್ತು ಇ ಅನ್ನು ಹೊಂದಿರುತ್ತದೆ, ಇದು ಕೂದಲನ್ನು ಪೋಷಿಸುತ್ತದೆ ಮತ್ತು ಅದರ ವಿನ್ಯಾಸವನ್ನು ಸುಧಾರಿಸುತ್ತದೆ.
• ಇದು ನಿಮ್ಮ ನೆತ್ತಿಯನ್ನು ಶಮನಗೊಳಿಸುತ್ತದೆ ಮತ್ತು ಉರಿಯೂತವನ್ನು ಕಡಿಮೆ ಮಾಡುತ್ತದೆ. ಹಾಗೆಯೇ ರೈಸ್ ವಾಟರ್ ತಲೆಹೊಟ್ಟು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಇದನ್ನೂ ಓದಿ:
ಅನ್ನ ತಿಂದರೆ ತೂಕ ಹೆಚ್ಚಾಗುತ್ತೆ ಅಂತ ಟೆನ್ಷನ್ನಾ? ಹಾಗಾದ್ರೆ ಈ ಟಿಪ್ಸ್ ಫಾಲೋ ಮಾಡಿ
ಒಟ್ಟಾರೆ ಕೂದಲು ಶೈನ್ ಆಗಲು, ಬೆಳವಣಿಗೆಯಾಗಲು, ಉದುರುವುದನ್ನು ತಡೆಯಲು ಸಹಾಯ ಮಾಡುತ್ತದೆ.
ಹಾಗಾದರೆ ಇಷ್ಟೆಲ್ಲಾ ಪ್ರಯೋಜನ ಇರುವ ರೈಸ್ ವಾಟರ್ ಅನ್ನು ಮಾಡುವುದು ಮತ್ತು ಬಳಸೋದು ಹೇಗೆ ಎಂಬುದನ್ನು ನೋಡೋಣ.
ಕೂದಲಿಗೆ ಅಕ್ಕಿ ನೀರನ್ನು ತಯಾರಿಸುವುದು ಹೇಗೆ?
ಅಕ್ಕಿಯನ್ನು ನೆನೆಸುವ ಮೂಲಕ ಇಲ್ಲಾ ಕುದಿಸುವ ಮೂಲಕ ನೀರನ್ನು ಸಂಗ್ರಹ ಮಾಡಿಕೊಳ್ಳಬೇಕು. ಒಂದು ಕಪ್ ಅಕ್ಕಿಯನ್ನು ನೀರಿನಿಂದ ಚೆನ್ನಾಗಿ ತೊಳೆದು ನೀರನ್ನು ಬೆರೆಸಿ ನೆನೆಸಿಡಿ. ಇಲ್ಲಾ ಹೆಚ್ಚು ನೀರು ಹಾಕಿ ಕುದಿಸಿ ನೀರನ್ನು ಸಂಗ್ರಹಿಸಿಕೊಟ್ಟಿ. ಹೀಗೆ ಎರಡು ವಿಧಾನಗಳ ಮೂಲಕ ರೈಸ್ ವಾಟರ್ ಮಾಡಿಕೊಂಡು ಸ್ಪ್ರೇ ಬಾಟಲಿಗೆ ಹಾಕಿಕೊಳ್ಳಿ.
ಇದನ್ನು ಕೂದಲಿಗೆ ಹೇಗೆ ಬಳಸೋದು
– ಮೊದಲಿಗೆ ಈ ಸ್ಪ್ರೇ ಕೂದಲಿಗೆ ಅನ್ವಯಿಸುವ ಮುನ್ನ ಕೂದಲನ್ನು ಚೆನ್ನಾಗಿ ತೊಳೆದುಕೊಳ್ಳಿ
– ಆಮೇಲೆ ಈ ಅಕ್ಕಿ ನೀರನ್ನು ಸ್ಪ್ರೇ ಬಾಟಲಿನ ಮೂಲಕ ನೆತ್ತಿ ಮತ್ತು ಕೂದಲಿಗೆ ಸ್ಪ್ರೇ ಮಾಡಿಕೊಳ್ಳಿ
– ಹೀಗೆ ಮಾಡಿದ ನಂತರ ಸ್ವಲ್ಪ ಹೊತ್ತು ನಿಮ್ಮ ನೆತ್ತಿಯನ್ನು ಮಸಾಜ್ ಮಾಡಿ
– ಆಮೇಲೆ ನಿಮ್ಮ ಕೂದಲನ್ನು ಶವರ್ ಕ್ಯಾಪ್ ಮೂಲಕ ಕವರ್ ಮಾಡಿಕೊಳ್ಳಿ
– ಕೂದಲಿಗೆ ಅನ್ವಯಿಸಿದ ನಂತರ 20 ನಿಮಿಷ ಹಾಗೆಯೇ ಬಿಡಿ
– ನಂತರ ನಿಮ್ಮಿಷ್ಟದ ಶ್ಯಾಂಪೂ ಜೊತೆ ತಲೆ, ಕೂದಲನ್ನು ತೊಳೆಯಿರಿ
ವೈಟ್ ಸೀರೆಯಲ್ಲಿ ಮಿಲ್ಕಿ ಬ್ಯೂಟಿ ಮಿಂಚಿಂಗ್!
ಎಷ್ಟು ಬಾರಿ ಅಕ್ಕಿ ನೀರನ್ನು ಬಳಸಬಹುದು?
ಕೂದಲಿನ ಬೆಳವಣಿಗೆಯನ್ನು ಉತ್ತೇಜಿಸಲು, ಕೂದಲನ್ನು ಬಲಪಡಿಸಲು ಮತ್ತು ಒಡೆಯುವಿಕೆಯನ್ನು ತಡೆಯಲು ಇದನ್ನು ವಾರಕ್ಕೆ ಒಂದು ಅಥವಾ ಎರಡು ಬಾರಿ ಕೂದಲಿಗೆ ಬಳಸಬಹುದು. ಇದನ್ನು ಲೀವ್-ಇನ್ ಕಂಡಿಷನರ್ ಆಗಿಯೂ ಬಳಸಬಹುದು ಮತ್ತು ಇತರ ನೈಸರ್ಗಿಕ ಪದಾರ್ಥಗಳೊಂದಿಗೆ ಇದನ್ನು ಸಂಯೋಜಿಸಬಹುದು.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ
